LAJMI I FUNDIT

Koronavirusi/ Ministria e Shëndetësisë publikon shifrat për 24 orët e fundit: 55 raste të reja dhe asnjë humbje jete

17:41 - 10.06.22 K.K
GSH APP Download on Apple Store Get it on Google Play

Epidemiologët në vendin tonë kanë gjetur 55 raste të reja me COVID nga 582 testime të kryera në total në 24 orët e fundit.




Fatmirësisht, nuk është regjistruar asnjë humbje jete.

Rastet pozitive janë identifikuar në këto bashki: 35 në Tiranë, 10 në Fier, nga 2 qytetarë në Shkodër, Vau i Dejës, Durrës, nga 1 qytetar në Kamëz, Lushnje, Vlorë, Sarandë.

Janë 296 qytetarë aktivë me Covid19 në gjithë vendin. Aktualisht në spitalin COVID3 po marrin trajtim 3 pacientë.  Janë shëruar 76 qytetarë gjatë 24 orëve të fundit, duke e çuar numrin e të shëruarve në 272,845 që nga fillimi i epidemisë.

Njoftim i Ministrisë:

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. “Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Çdo qytetar mbi 12 vjeç, mund të vaksinohet në qendrat  shëndetësore.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese. Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”, apelon MSH.

Statistika (10 Qershor 2022)
Raste të reja ditore 55
Të shëruar në 24 orë 76
Të shtruar në spitale 3
Humbje jete në 24 orë 0
Testime ditore 582

Testime totale 1,834,223
Raste pozitive 276,638
Raste të shëruara 272,845
Raste Aktive 296
Humbje jete 3,497

Shpërndarja gjeografike e rasteve aktive sipas qarqeve:

Tiranë 212
Fier 40
Vlorë 15
Korçë 9
Shkodër 6
Durrës 5
Elbasan 4
Berat 2
Gjirokastër 2
Lezhë 1


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.